Landsstýriskvinnan valt limir til kærunevndina í Almanna- og Heilsumálum

Rósa Samuelsen, landsstýriskvinna í almannamálum, hevur gjørt av at endurvelja allar limirnar og varalimirnar, sum í dag mynda kærunevndina. Limirnir, sum nú eru afturvaldir, eru:
Sigmund Poulsen, advokat og formaður í nevndini, Annilka Olsen, kommunulækni og Karin Kjølbro, sosialráðgevi.

Sum varalimir eru valdir Annfinn V. Hansen, advokatur, Kári Rasmussen, kommunulækni og Eliesar E. Jacobsen, sosialráðgevi.

Valskeiðið hjá kærunevndini í almanna- og heilsumálum er úti við árslok í ár og skuldi nevndin tí veljast av nýggjum fyri tíðarskeiðið 1. januar 2010 til 31. desember 2013.