Uppskot til løgtingslóg um broyting í løgtingslóg um bókasøvn

Heiti
Uppskot til løgtingslóg um broyting í løgtingslóg um bókasøvn
Frágreiðing

Bókasavnslógin ásetur í § 22, stk. 1, at bókasavnsgjaldið verður at býta millum rithøvundar, týðarar og myndlistafólk, hvørs prentaðu og talgildu bøkur og annað tilfar er til taks á bókasøvnum ella umvegis heimasíður teirra. 

Endamálið við lógaruppskotinum er at heimila, at eisini tónaskøld, upplesarar og fotografar, hvørs prentaðu og talgildu bøkur og annað tilfar er til taks á bókasøvnum ella umvegis heimasíður teirra, kunnu fáa lut í bókasavnsgjaldinum.

Tónaskøld og fotografar hava áður fingið bókasavnsgjald eftir reglugerðini fyri býtið av bókasavnsgjaldinum, sum var galdandi til 31. desember 2023. Í mun til býtið av bókasavnsgjaldinum fyri 2023, er tað sostatt bert upplesarar, ið koma aftur at við lógarbroytingini.

Við lógaruppskotinum verður ásetingin um, at bókasavnsgjaldið verður at býta til føroyskar rithøvundar, týðarar og myndlistafólk, víðkað, so hon fevnir um føroyskar rithøvundar, tónaskøld, týðarar, upplesarar, myndlistafólk og fotografar.

Ummælisfreistin er farin
07.10.2024
Ráð
Almanna- og mentamálaráðið
Øki
Mentanarøkið
Slag
Uppskot til kunngerð
Dagfesting
20.09.2024
Samband
ammr@ammr.fo
Málsviðgjørt
Almanna- og mentamálaráðið
Tak niður
24 20838 Uppskot Til Broyting Í Løgtingslóg Um Bókasøvn 20092024
Henda heimasíðan brúkar farspor (cookies)
Vit brúka farspor fyri at kanna ferðsluna á heimasíðuni og fyri at gera tína uppliving so góða sum møguligt.

Neyðug farspor tryggja, at heimasíðan riggar, sum hon skal. Vit hava eisini valfrí farspor, sum kunnu gera tína uppliving og upplivingina hjá øðrum betri.

Tú kanst altíð taka samtykkið aftur. Hetta gert tú við at trýsta á ímyndina niðast til vinstru á heimasíðuni.
Eg góðtaki bert neyðugEg góðtaki øllEg góðtaki valdu stillingarVís stillingar av farsporumFjal stillingar av farsporum